बिज्ञापन

बिज्ञापन

उनले नेपाल प्रहरीको नेतृत्वसम्बन्धी विषयभन्दा तातोपानी नाका सञ्चालनलाई प्राथमिकता दिनुपर्ने आशय व्यक्त गरेका छन्।

बाँस्कोटाले सामाजिक सञ्जालमा लेखेका छन्, ‘नव झोले र भेडा आई लाग्नै पर्दैन। केवल व्यापार र मुख्यमन्त्रीको हैसियत चाहिएको हो। तर राष्ट्रिय अखण्डता र स्वाधीनता चाहिएको छैन भने हाकाहाकी सिक्किम बन्छु भन। प्रभाव र दासत्व फरक हो। आईजीपी होइन, तातोपानी नाका चलाउ।’

उनको उक्त अभिव्यक्तिमा व्यापारिक हित, राष्ट्रिय स्वाधीनता र बाह्य प्रभावप्रतिको चिन्ता एकसाथ प्रकट भएको देखिन्छ। विशेषगरी ‘प्रभाव र दासत्व फरक हो’ भन्ने टिप्पणीमार्फत उनले राष्ट्रिय हितका विषयमा सरकारको ध्यानाकर्षण गराउन खोजेका छन्।

नेपाल–चीन व्यापारका लागि महत्त्वपूर्ण मानिने सिन्धुपाल्चोकस्थित तातोपानी नाका सञ्चालनको विषय उठाउँदै बाँस्कोटाले सरकारलाई प्रहरी नेतृत्वको विषयमा मात्र केन्द्रित नहुन आग्रह गरेका हुन्।

उनको टिप्पणीले नेपाल प्रहरीको नेतृत्व व्यवस्थापनसँगै उत्तरी व्यापारिक नाका सञ्चालनको विषयलाई पनि राजनीतिक बहसमा ल्याएको छ। यद्यपि, उनले उल्लेख गरेको राष्ट्रिय अखण्डता र स्वाधीनतासम्बन्धी टिप्पणी कुन विशिष्ट घटनाप्रति लक्षित हो भन्ने स्पष्ट छैन।